Azərbaycan Respublikasının Türkiyə Respublikasındakı Səfirliyinin nəzdində fəaliyyət göstərən Azərbaycan Mədəniyyət Mərkəzinin direktoru Samir Abbasov Kırşehir İl Milli Təhsil İdarəsinin Türk Dövlətləri və Topluluqları Akademiyasının koordinatoru Özlem Eri və Kırşehirdə fəaliyyət göstərən mədəniyyət və incəsənət müəssisələrinin nümayəndələrini qəbul edib.
Görüşdə Azərbaycan və Türkiyənin ortaq tarixi və mədəni dəyərlərinin Kırşehirdə tanıdılması, milli mədəniyyətimizin daha geniş ictimaiyyətə çatdırılması və iki ölkə arasında mədəni əməkdaşlığın inkişaf etdirilməsi məsələləri müzakirə olunub.
Həmçinin iki ölkənin musiqi məktəbləri arasında əməkdaşlığın genişləndirilməsi, “Qardaş məktəblər” layihəsinin həyata keçirilməsi, mədəniyyət və incəsənət sahələrində qarşılıqlı təcrübə mübadiləsinin artırılması istiqamətində fikir mübadiləsi aparılıb.
