Azərbaycan Respublikasının Türkiyədəki Səfirliyinin nəzdində fəaliyyət göstərən Azərbaycan Mədəniyyət Mərkəzinin direktoru Samir Abbasov İğdır Azərbaycan Evinin sədri Ziya Zakir Acar ilə İğdır Azərbaycan Evində görüşüb.
Görüş zamanı Azərbaycan xalqının zəngin milli mədəniyyətinin, tarixinin və Azərbaycan ilə Türkiyəni birləşdirən ortaq dəyərlərin İğdırda daha geniş ictimaiyyətə tanıdılması məsələləri müzakirə olunub.
Bu məqsədlə həyata keçirilə biləcək mədəni tədbirlər, birgə layihələr və gələcək əməkdaşlıq imkanları ətrafında fikir mübadiləsi aparılıb.
