Antalyada keçirilən Azərbaycan Mədəniyyət Elçiləri Forumu çərçivəsində Azərbaycan Mədəniyyət Mərkəzləri və Azərbaycan Evlərinin fəaliyyəti və əməkdaşlıq imkanları müzakirə olunub.
Tədbirdə Azərbaycan Respublikasının Mədəniyyət naziri Adil Kərimli, Diasporla İş üzrə Dövlət Komitəsinin sədri Fuad Muradov, müxtəlif ölkələrdə fəaliyyət göstərən Azərbaycan Evələri və Azərbaycan Mədəniyyət Mərkəzlərinin rəhbərləri, eləcə də media nümayəndələri iştirak ediblər.
Tədbir zamanı Azərbaycan Evələri və Mədəniyyət Mərkəzlərinin fəaliyyəti ilə bağlı videomateriallar nümayiş etdirilib, mədəniyyətimizin, dilimizin və milli kimliyimizin qorunması istiqamətində həyata keçirdikləri layihələr barədə ətraflı məlumat verilib.
Tərəflər gələcək əməkdaşlıq və diaspora fəaliyyətlərinin gücləndirilməsi məsələlərini də müzakirə ediblər.
