Azərbaycan Respublikasının Türkiyə Respublikasındakı Səfirliyinin nəzdindəki Azərbaycan Mədəniyyət Mərkəzinin direktoru Samir Abbasov Türkiyə Respublikasının Iğdır Valiliyinin İctimaiyyətlə Əlaqələr Şöbəsinin müdiri İlteriş Kağan Taşkınsu ilə görüşüb.
Azərbaycan Mədəniyyət Mərkəzində keçirilən görüşdə türk dünyasının ortaq dəyərlərinin və mədəniyyətinin yaşadılması, gələcək nəsillərə ötürülməsi, həmçinin Iğdırda Azərbaycanın zəngin mədəni irsinin tanıdılmasına yönəlmiş layihələrin həyata keçirilməsi məsələləri müzakirə olunub.
Görüş zamanı Iğdır Valiliyi tərəfindən həyata keçirilən “Harı Bülbül İstehsalat Emalatxanası” layihəsi çərçivəsində Azərbaycan və Türkiyə arasındakı qardaşlıq əlaqələrinin mədəniyyət və incəsənət sahəsində daha da gücləndirilməsi, ortaq dəyərlər əsasında həyata keçirilə biləcək yeni layihə və tədbirlər barədə fikir mübadiləsi aparılıb.
Görüşün sonunda Iğdırdakı “Harı Bülbül İstehsalat Emalatxanası” tərəfindən hazırlanmış hədiyyə təqdim olunub.
