Azərbaycan Respublikasının mədəniyyət nazirinin müavini Murad Hüseynov ilə Türkiyə Respublikasının Mədəniyyət və Turizm Nazirliyinin İstanbul İl Mədəniyyət və Turizm müdiri Hüseyn Keskin arasında görüş keçirilib.
İstanbul İl Mədəniyyət və Turizm Müdirliyində baş tutan görüşdə Türkiyə ilə Azərbaycan arasında mövcud olan köklü qardaşlıq münasibətlərinin və güclü mədəni əlaqələrin daha da möhkəmləndirilməsi məqsədilə ortaq mədəni və incəsənət layihələri, təcrübə mübadiləsi, gələcək əməkdaşlıq perspektivləri, eləcə də Türkiyədə fəaliyyət göstərən Azərbaycan Mədəniyyət Mərkəzi ilə birgə layihələr və digər məsələlər ətraflı müzakirə olunub.
Görüşdə, həmçinin Azərbaycan Respublikasının Türkiyədəki Səfirliyi nəzdindəki Azərbaycan Mədəniyyət Mərkəzinin direktoru Samir Abbasov da iştirak edib.
