Azərbaycan Respublikasının Türkiyədəki Səfirliyinin nəzdində fəaliyyət göstərən Azərbaycan Mədəniyyət Mərkəzinin layihəsi çərçivəsində təşkil olunan “Müasir Azərbaycan rəssamlarının sərgisi” İstanbulda sənətsevərlərin ixtiyarına veriləcək.
Sərgidə müasir Azərbaycan təsviri sənətinin müxtəlif üslub və ifadə formalarını əks etdirən əsərlər nümayiş olunacaq. Türkiyədə yaşayan tanınmış Azərbaycan rəssamlarının əsərlərinin yer alacağı sərgi, eyni zamanda iki ölkə arasında mədəni və incəsənət əlaqələrinin daha da möhkəmləndirilməsinə töhfə vermək məqsədi daşıyır.
Sərginin açılışı 29 sentyabr 2026-cı il tarixində saat 18:00-da kokteyl proqramı ilə keçiriləcək.
Sefaköy Mədəniyyət və İncəsənət Mərkəzi
Tevfik Bey, Maslak Çeşme küçəsi, Küçükçekmece / İstanbul
Azərbaycanın müasir incəsənətini İstanbulda yaxından tanımaq istəyən bütün sənətsevərlər sərgiyə dəvət olunur.
