Ankarada səfərdə olan Azərbaycan Respublikası mədəniyyət nazirinin müavini Fərid Cəfərov Ankara Mədəniyyət Yolu Festivalı çərçivəsində CSO Ada Ankarada təşkil olunan “Ankara Rəsmlənir” adlı sərgini ziyarət edib.
Türkiyə Respublikası mədəniyyət və turizm nazirinin müavini Serdar Çamın da iştirak etdiyi ziyarət zamanı sərgidə müxtəlif rəssamların Ankaranın tarixi və memarlığını, Ankara qalasını, Avqust məbədini, Cümhuriyyət dövrünə aid tikililəri, eləcə də şəhərin müasir simasını əks etdirən əsərləri haqqında məlumat verilib.
