İstanbulda keçirilən “Türk xalq mədəniyyətində qadın geyimləri” adlı sənət sərgisində Azərbaycanın da mədəni irsini əks etdirən əsərlər nümayiş olunur.
İstanbulun Topkapı Kültür məhəlləsində Umay Ana Türk Dünyası Qadınlar Birliyi tərəfindən təşkil edilən sərgidə türk dünyasının müxtəlif ölkələrinə aid qadın geyimləri təqdim olunur.
Sərgi çərçivəsində Azərbaycanın Türkiyədəki Səfirliyinin nəzdindəki Azərbaycan Mədəniyyət Mərkəzinin direktoru Samir Abbasov “Umay Ana Türk Dünyası Qadınlar Birliyi”nin sədri Mualla Uydu Yücel ilə görüşüb.
Sərgi ziyarət olunub, sənətçilərlə fikir mübadiləsi aparılıb və türk dünyasının ortaq dəyərlərinin, eləcə də zəngin mədəni irsinin tanıdılması məsələləri müzakirə edilib.
