Türkiyədə fəaliyyət göstərən azərbaycanlı alimlərlə milli mədəniyyətimizin, tariximizin və ortaq dəyərlərimizin tanıdılması müzakirə olunub
Azərbaycan Respublikasının Türkiyə Respublikasındakı Səfirliyinin nəzdində fəaliyyət göstərən Azərbaycan Mədəniyyət Mərkəzinin direktoru Samir Abbasov Kahramanmaraş Sütçü İmam Universitetinin kafedra müdiri, professor Toğrul İsmayıl ilə görüşüb.
Azərbaycan Mədəniyyət Mərkəzində keçirilən görüş zamanı Azərbaycanın milli mədəniyyətinin, Türk dünyasının ortaq tarixi və mədəni dəyərlərinin, görkəmli şəxsiyyətlərinin, eləcə də Türkiyədə tanınmış azərbaycanlı alim və ziyalıların irsinin daha geniş auditoriyaya çatdırılması istiqamətində davamlı və uzunmüddətli mədəni layihələrin həyata keçirilməsi məsələləri müzakirə olunub.
