Azərbaycan Respublikasının Türkiyədəki səfiri Rəşad Aslanov Səfirliyin nəzdində fəaliyyət göstərən Azərbaycan Mədəniyyət Mərkəzinin “Zəngəzur” Azərbaycan Xalq Rəqsləri Ansamblının bədii rəhbəri və solisti Gülçöhrə Sibel Sangu və onu müşayiət edən nümayəndə heyətini qəbul edib.
Görüş zamanı Azərbaycanın zəngin mədəni irsinin, milli rəqs sənətinin və xalq yaradıcılığı ənənələrinin Türkiyədə daha geniş tanıdılması və təbliği istiqamətində görülən işlər barədə məlumat verilib.
Həmçinin Azərbaycan milli rəqslərinin qardaş ölkədə təbliği, bu sahədə həyata keçirilən mədəni layihələr və gələcək fəaliyyət istiqamətləri ətrafında fikir mübadiləsi aparılıb.
