Ankaradakı ATO Konqres Sərgi Mərkəzində 3-cü Dünya Mədəniyyətləri Festivalının açılış mərasimi baş tutub.
Festival Türkiyədə fəaliyyət göstərən bir çox xarici ölkənin nümayəndəlikləri, diplomatik missiyaları və mədəniyyət mərkəzlərinin iştirakı ilə keçirilib.
Ölkəmizi festivalda Türkiyədəki Azərbaycan Mədəniyyət Mərkəzi təmsil edib.
Mərkəzin təşkil etdiyi stenddə Azərbaycan xalçaları, suvenirlər, kəlağayılar və milli mədəniyyət nümunələri ziyarətçilərə təqdim edilib.
Stend ziyarətçilərinə ölkəmizin zəngin milli mədəniyyəti haqqında ətraflı məlumat verilib.
Festival proqramı çərçivəsində Azərbaycan Mədəniyyət Mərkəzinin “Zəngəzur” xalq rəqs ansamblı səhnədə Azərbaycan xalq rəqslərini nümayiş etdirib.
Tədbirdə həmçinin müxtəlif ölkələrdən gələn ənənəvi rəqs və musiqi qrupları, milli geyim təqdimatları, sənət və qastronomiya seminarları, yemək ikramları, mədəniyyət mövzulu söhbətlər, film nümayişləri və müxtəlif müsabiqələr də yer alıb.
