Ankarada keçirilən “Türk Dünyası GastroFest 2026” festivalı ziyarətçilərin üzünə qapılarını açıb. Festival türk dünyasının zəngin mətbəx mədəniyyətini və qastronomiya irsini bir araya gətirir. Tədbir Ankaranın Sıhhiyyə bölgəsində yerləşən Abdi İpəkçi Parkında keçirilir.
Festival çərçivəsində Azərbaycan, Qazaxıstan, Özbəkistan, Qırğızıstan, Türkmənistan və Türkiyə başda olmaqla bir çox türk dövlətinin mədəniyyəti, ənənəvi şirniyyatları və yeməkləri təqdim olunur.
Festivalda Azərbaycan Respublikasının Türkiyədəki Səfirliyinin nəzdindəki Azərbaycan Mədəniyyət Mərkəzi ölkə stendi ilə təmsil olunub.
Azərbaycan stendi və milli mətbəximizə aid şirniyyatlar festival iştirakçıları tərəfindən böyük maraqla qarşılanıb.
Festival vasitəsilə Azərbaycanın zəngin qastronomiya mədəniyyəti türk dünyasının ortaq irsinin mühüm bir parçası kimi təqdim edilir.
