Azərbaycan Respublikasının Türkiyədəki Səfirliyi nəzdindəki Azərbaycan Mədəniyyət Mərkəzinin direktoru Samir Abbasov Ankara Opera və Balet Teatrının direktoru Demet Gökalp ilə görüş keçirib.
Görüşdə 2025-ci ildə uğurla reallaşdırılmış birgə layihələr dəyərləndirilib, əldə olunan nəticələr müzakirə olunub.
Görüş zamanı 2026-cı ildə opera və balet sahəsində əməkdaşlığın daha da genişləndirilməsi, ortaq mədəni dəyərlərin təbliği, Azərbaycan bəstəkarlarının əsərlərinin Türkiyənin opera və balet səhnələrində səhnələşdirilməsi, həmçinin hər iki ölkənin sənətçilərinin iştirakı ilə birgə konsert və opera tamaşalarının hazırlanması məsələləri diqqət mərkəzində olub.
Görüşdə Ankara Opera və Balet Teatrının mütəxəssisləri də iştirak ediblər.
